ترکی نوحه شعری حضرت زینب س دنیادان گئدن گونونون مناسبتینه

حسین باجیوی سالیب درد غصه طاقتدن
یانوب کُل اولدی بوشمع وفا حرارتدن
مدینه دن منی تبعید ایدیبدیلر شامه
جفائیلن گُل عمروم دوشور طراوتدن
یامان گونومدی منیم دادیمه گلن یوخدی
امان غریبلیق الیندن امان بو غربتدن
گوزوم قالیب قاپیدا انتظارم ائللریمه
نه چاره یوخ گلنیم شاد اولام عیادتدن
باخورجمالیمه سجاد گوز یاشین اَلییور
عُذارین ایسلادوری اشک بی نهایتدن
یواش یواش دئیور ایوای اُلور وفالی بیبیم
الین چکور باشیما چکمیر اَل حمایتدن
ایراق گوزوندن حسین غربت ایلده جان ویرورم
باجین دؤشوبدی یامان یرده استقامتدن
نه حاله قالمیشام احوالیمی بؤلن یوخدی
یتش هرائیمه قورتار منی بوحالتدن
دئسم کفن گتور ای بیکفن جسارت اولار
بیرآز گتور ولی سوغات اوقانلی تربتدن
اُپوم قویوم گوزوم اُسته دیوم ایوین آباد
بو هدیه زینبه شریندی هر حلاوتدن
بوقانلی کوینگیوی سینم اُسته ساخلامیشام
محافظم آنامیز تاپشیران امانتدن
دوشور خیالیمه بوکوینگی گئین ساعت
آلیب قراریمی ویردون خبر فراقتدن
سوسوز بوغازیوی اُپدوم یولا سالاندا سنی
اطاعت ایتدوم آنان ایلین وصیتدن
منیمده جان یغیشیب سینمه گل آی یارالی
مریض عشقیوی قورتار غم و مصیبتدن
داخی یوبانما اجل گلدی سنده گل قارداش
غریب اُلکه ده قورتار منی شمادتدن
سنی یارالی گورندن یارالیدور اُرگیم
اجل دالیجا گزور زینبین او ساعتدن
دَئییدی قلبیمه ایکاش قلبیوه دَیَن اوخ
چاتیدی باشه باجین اول جراحتدن
باشین جدایه گئدنده منیم آغاردی باشیم
بیلیم بوکولدی او چولده قوپان قیامتدن
اُزونده گلمسن عباسه ویر خبر یارالی
دینن اُلور باجیمیز شامیده ملامتدن
غروب وقتیدی عمروم گونی غروبه چاتور
غروب اولاندا نجه گون دوشر حرارتدن
منیده غملر ایاقدان ایله سالیب یارالی
اوسن گورن دگورم دوشموشم صلابتدن
گوزوم یاشین سیله بؤلمور اوخنجری توتان ال
دوشوبدی کرب وبلا قهرمانی صولتدن
ولی خوشام گینه جان اُسته یاحسین دئیورم
چاتوبدی فیضه باجین سن تاپان سعادتدن
“نصیری”ده قوشولوبدور منیم گدالریمه
اونادا ویر صله مسرور اولا بو نعمتدن