شعر ترکی در شان مقام مهلم سروده آقای کریم نصیری از شعرای به نام شهرستان مرند تقدیم میشود.
معلم گونی تمام عزیز معلم لره مبارک اولسون
یاشاسین مهربان معلملر
خوش باخیش خوش بیان معلملر
قلّهٔ شأن و عزت و شرفه
شانلی پرچم وُران معلملر
ظلمت جهلی پایمال ایلویوب
شمعلر تک یانان معلملر
رأفت و مهر و استقامتلن
دؤزی دؤز آندوران معلملر
قاره بیر تخته اُسته آغ گچیله
عشقه معنا یازان معلملر
باغبان تک تلاش ایدوب بِجَرن
ایلده مین بوستان معلملر
اختراعات و اکتشافاته
باعث اولموش همان معلملر
دؤز سوزه عالی امتیاز ویرن
غلطه خط وُران معلملر
ویروب علمین ذکاتین عزتیلن
قرب حقه چاتان معلملر
مُنشیِ عشق لوح دیلده یازوب
قالاجاخ جاویدان معلملر
شعری قورتار “نصیری” درسیوه باخ
تا آلا امتحان معلملر
قوشان: کریم نصیری (شهرستان مرند)
✅ اپلیکیشن اختصاصی یاشیل وطن?
http://yon.ir/jpoJX
