شعر ترکی با محوریت علت آفرینش و مخصوصا اهمیت عبادت تقئیم شما میشود.
فکر ایله گور بو عالمه گلدون نه علته
تفریحه لذته یمگه یا سیاحته؟
بیر بسته قانیدون آنا بطنینده دربدر
تدریجلن سوموکلریوی بوکدیلر اَته
صوندان چکیلدی صورت زیبای آدمی
احسن بو صورتی چکن احسن بو قدرته
دوقوز آی آلتی گون کی اوتوردون او بطنیده
یدّیمجی گون دوشوب بدنون اوزگه حالته
دوندون یاواش یاواش باشون اوستونده اگلشوب
دوندرمسه اگر دوشر انسان هلاکته
قوللار سینار ایاق دولاشار بطن مادره
صد مرحبا درود فراوان او حکمته
گلدون الیکی عالم دنیایه سرنگون
دولدوردی دوشلرین آناوین شهد شربته
قاندان چکوب صودی سنیچون وئردی رایگان
تعلیم ائدوب دیل آچماقی اورگتدی صحبته
آب و غذا وئروب ائلدی تازه بیر جوان
اوزگه قیزین حلال ائله دی گتدی الفته
باخ گور بو نعمتین عوضینده نه ایستیور
وار احتیاجی ملکه نه ماله نه دولته
هر گون دیور دایان قاباقیمدا باخیم سنه
قهر ایلمه منیله دانیش گل عبادته
پاک اولماق ایستیرم سنی تا قالخیزام گویه
ظلمات ارضدن آپارام باغ جنته
