شعر ترکی برای امام رضا (ع)

❤️ یاثامن الحجج (ع)
………..
یاثامن الائمه آدین چوخ صفاسی وار
عشق عالمینده لذت بی انتهاسی وار

ای تاجدار ملک خراسان غریب آقا
صحن و رواقیوین عجب عالی هواسی وار

باب کرمدی درگهون ای معدن سخا
باعث اودور که هرگیجه گوندوز گداسی وار

شیعه او قبری جنتیلن ائیلمز عوض
جناتی نیلیور اوکه سن تک آقاسی وار

باب الحوائج اوغلوسان ای شهریار طوس
هر کیمسه دردمند اولا سنده دواسی وار

زهرا باخیشلی گوزلریوه گوزلریم فدا
گلسون بوجانه گوزلریوین هر قاداسی وار

ای نسخه سیز طبابت ایدن چاره سیزلره
لقمانلاریندا سندن عطا التماسی وار

امید ایوی بولوب قاپیوا گلمیشوق آقا
عالم بولور که شیعه لرین بیر رضاسی وار

هرکیمسه کربلایه الی چاتمسا دئیر
یوخ عیبی طوسیده آقامون کربلاسی وار

ایسته گله زیارتیوه یا ابالحسن
هرعاشقی که دل دولی آه و نواسی وار

ویروق سنی قسم دویولن زینب عمه وه
بیر زینبی که شامیده ماتم اساسی وار

آخشام چاغیدی جانی یتیبدور دوداقینه
گوزلرده اشکی دیلده حسین وای صداسی وار

سسلردی یاحسین اولورم گل کفن گتور
زینب فدا او جسمه که سایسیز یاراسی وار

سن گلمه سن جنازه‌می کیم دفن ایدر حسین
شام ایچره زینبون نه ائلی اقرباسی وار

گل قوی منی مزاره مزاریم داشیندا یاز
بو بیر غریبه دور اوز ائلیندن آراسی وار

القصه جان ویروبدی خانم یومدی گوزلرین
بیر اوخشاما دیه نه باجی نه آناسی وار

غساله گلدی غسل ایده مظلومه زینبه
بولدی عزالیدور اودی باشدا قاراسی وار

آچدی ازل باشیندا اولان قاره معجری
بولدی بلالیدور باشینون ماجراسی وار

اللر اورک باشیندا قالیب جان ویرن زمان
چکدی کناره گوردی عجب غم اساسی وار

بیر قانلی پیرهندی دَیوب نیزه اوخ قلج
باشدان ایاقه گوز گوز اولوبدور نماسی وار

کانال شعر استاد کربلایی کریم نصیری
https://t.me/joinchat/P8X1RBOONNBfh0Du